УКМКнын Чек ара кызматы бүгүн, 22-мартка карата кыргыз-тажик чек арасындагы абал туруктуу экенин маалымдайт.
«Күч түзүмдөрү мамлекеттик органдар менен бирдикте абалдын туруктуу болушуна багытталган иш –чараларды өткөрүүдө. Чек араны биргелешип кайтаруунун сапатын жакшыртуу максатында КРнын чек ара өкүлдөрү тажик тараптын өкүлдөрү менен ар кандай деңгээлдеги жолугушууларды ар дайым өткөрүп турушат. Анткен менен, акыркы мезгилде жергиликтүү калктын арасында такталбаган жана чындыкка дал келбеген маалыматтар таркаган учурлар көбөйүүдө» — деп берилет маалыматта.
Чек ара кызматы жарандарды ар кандай ушак-айыңдарга жана ызы-чууга алдырбоого чакырат.