УКМКнын төрагасы Камчыбек Ташиев “Нур+” ден-соолугунан мүмкүнчүлүгү чектелген балдарды калыбына келтирүү борборуна бир миллион сом таштап кетти. Бул тууралуу журналист Медер Шерметалиев маалымдады.
“Быйыл имаратынын ижара акысын төлөй албай, кичинекей балдар кыштын кычыраган бул суугунда көчөгө чыгып калуу алдында турган. Кайрылып кат казып жардам сурабаган жер калган жок. Баары эле жоктун башын айтып туруп алды. Акыры болду болбоду деп мындан 3 күн мурун кат жазып алып жардам сурап Камчыбек Ташиевдин кабылдамасында болуп кайттык эле. Бүгүн, ошол суранычыбызды жерде калтырбай Камчыбек Кыдыршаевич өзү келип балдардын өмүрүнө майрам тартуулап, 1 млн.сом таштап кетти. Үлгүрөп үмүт жок отурган ата-энелердин сүйүнгөнүнөн ыйлаганын айтпагыла! Жаңы жыл алдында балдарга табылгыс чоң белек болду“,- деп жазат Шерметалиев.
