Социалдык тармактын колдонуучулары Бишкектеги жол кырсыктын видеосу менен бөлүшкөн. Бул окуя боюнча Биринчи Май РИИБ маалымат берип, факты катоого алынганын кабарлашты. Учурда видеодогу жарандар изделүүдө.
Маалыматка ылайык, видеону тарткан жарандын айтуусунда чырдан кийин аял күйөөсүнөн унаа менен качып кетүүгө аракет кылганын айткан. Ал эми, күйөөсү унаанын үстүнө жармашып алганын видеодон да көрүүгө болот. Аял унааны айдаган бойдон чоң жолго чыккан.
Аял унааны башкара албай калып, унаанын үстүндөгү киши менен арыкка кирип кеткен. Кырсыктын кесепетинен киши унаадан оодарылып, дубалга тийген. Бирок бул ордунан туруп, аялды бир нече жолу чапканга жетишкен.
