Ысык-Атада чет элдик жаранга бычак сайып, качып кеткен жаран кармалганын Чүй облустук милициясынан билдиришти.
Билдирүүгө караганда, 3-сентябрда Ысык-Ата райондук милициясына аймактык ооруканага Россиянын 24 жаштагы А.В. аттуу жараны денесине бычактан жаракат алып түшкөндүгү тууралуу билдирүү келген.
Аталган факты Кылмыш-жаза кодексинин адам өлтүрүүгө аракеттенүү беренесинин негизинде кылмыш иши козголуп, ыкчам-иликтөө иштери жүргүзүлгөн.
Аталган кылмышты 38 жаштагы А.А. аттуу жаран жасаганы аныкталып, ал адам окуя болгон күнү эле Казакстанга чыгып кеткени такталган.
Шектүү кармалып, убактылуу кармоо жайына киргизилди. Учурда тергөө иштери уланып жатат.
