Ысык-Көл районунда турак үйдүн чатыры өрттөндү. Бул тууралуу ӨКМдин басма сөз кызматы билдиришти.
Билдирүүгө ылайык, кечээ, 20-ноябрь күнү саат 22:30дар чамасында Ысык-Көл районунун Бактуу-Долоноту айылынын Курманбай көчөсүндө турак үйдүн чатыры күйүп жатат деген маалымат келип түшкөн. Жерине Ысык-Көл районунун №31 өрткө каршы куткаруу бөлүмүнөн бир бөлүкчө тартылып саат 23:05 де чектөөгө алышты.
Саат 00:30 толук өчүрүлдү. Жалпысынан 120 чарчы метр үйдүн чатыры күйдү.
Учурда өрттүн келип чыгуу себеби такталууда.
