Ысык-Көлдүн Каракол шаарында батирлерден буюмдарды уурдаганга шектүү кармалды. Бул тууралуу Ысык-Көл ОИИБинин маалымат кызматы билдирди.
Маалыматка ылайык, Каракол шаарынын тургуну укук коргоочуларга арыз менен кайрылган. Анда августь айында үйүнө белгисиз адамдар кирип фотоаппарат, дрон, ноутбук, алтын зер жасалгаларын, акча каражатын уурдап, 555 миң сом зыян келтиргенин айткан.
«Издөө иш-чараларынын жүрүшүндө Каракол ШИИБинин кызматкерлери тарабынан 1992-жылы туулган Б.Д. кармалып, убактылуу кармоочу жайга киргизилди. Учурда жогорудагы кылмыш иштерине катыштыгы бар жарандарды аныктоо амалдары жүргүзүлүп, шектүүнүн мындан башка дагы иштерге катыштыгы бар же жогу аныкталууда», — дешти мекемеден.
Бул факты Кылмыштардын жана жоруктардын бирдиктүү реестрине 220-берене менен катталып, сотко чейинки тергөөгө алынган.
