Ысык-Көлдө милиционерлер чөгүп бара жаткан 17 жаштагы кыздын өмүрүн сактап калышты. Бул тууралуу ИИМден билдиришти.
Маалыматка ылайык, окуя 31-июль күнү болжол менен кечки 18:15до Ысык-Көл облусунда жайгашкан “Кекилик” пансионатындагы көлдүн жээгинде болгон.
Милициянын старшинасы Нурланбек уулу Жеңиш жана милициянын кенже сержанты Айнабек Курманбеков жардам сурап жаткан кыйкырыкты угуп,көлгө чөгүп жаткан жаранды көздөй чуркашып, тез аранын ичинде аман-эсен куткарып калышкан.
Куткарылган жаран Бишкектин жараны болгон. Эс алууга келген кыз аба ырайы кескин өзгөрүп, шамал болуп, жаан жаагандыгына байланыштуу суудан чыга албай чөгө баштаган. Ал милиция кызматкерлерине өмүрүн сактап калгандыгы үчүн ыраазычылыгын билдирген.
