Т. Сатылганов атындагы адабий музейде залкар акын, Токтогул Сатылгановдун туулган күнүнө арналган иш-чара болуп өттү. Бул тууралуу мэриядан билдиришти.
Маалым болгондой, иш-чарага мектеп окуучулары, жана студенттер катышты. Ардактуу коноктор катары эл акыны Карбалас Бакиров, жаш акын Жуса Касиетов, санжырачы Каныбек Казыбеков жана Токтогул Сатылгановдун чөбөрөсүнүн келини Жамиля Токтогулова чакырылды.
Коноктор акындын өмүр жолу жана чыгармачылыгы, анын кыргыз маданиятындагы орду тууралуу ой бөлүшүп, жаш муундарга акыл-насааттарын айтышты.



