Жалал-Абаддагы дайынсыз жоголгон аялдын сөөктөрүнүн калдыктары табылды. Бул тууралуу жергиликтүү маалымат булактары жазып чыгышты.
Маалыматка ылайык, Жалал-Абад шаарынын 1978-жылы туулган тургуну Базарматова Бахтигул Сабировна 2020-жылдын 25-ноябрь күнү саат 15:30 чамасында Жалал-Абад шаарынын Ленин жана Н.Айтматова көчөлөрүнүн кесилишинде кызы менен коштошуп үйүнө көздөй кеткен боюнча үйүнө барган эмес.
«Жалал-Абадда дайынсыз жоголгон Бахтигүл Базарматованын сөөгүнүн калдыктары табылды. Аны Сузак районундагы дарыяга жакын жерден табышкан. Сөөктү иттер талап кеткени айтылууда», — деп жазылат маалыматта.