Жалал-Абад шаарынын биринчи вице-мэри болуп Нурбек Сатаров дайындалды. Бул тууралуу мэриядан маалымдашты.
Билдирүүгө ылайык, бүгүн, шаар мэри Эрнисбек Ормоков Нурбек Сатаровду эмгек жамаатка тааныштырды. иштерине ийгилик каалады.
Нурбек Сатаров эмгек жолун Нарын облустук мамлекеттик администрациясында жетектөөчү адис катары иштөөдөн баштаган. Ал эми 2020-жылы Ат-Башы районунун акими, 2021-жылдан ушул мезгилге чейин Ала-Бука районунун акими кызматын аркалап келген.
Жалал-Абад шаарынын буга чейинки биринчи вице-мэри Азамат Раматиллаев башка кызматка которулгандыгына байланыштуу ээлеген кызматынан бошотулган.
