Кыргыз-тажик чек арасында жаракат алган мекендештерибиз үчүн кан тапшырууну каалагандар Бишкек шаарынын Ч.Айтматов проспектиси, 60 дареги боюнча Республикалык кан борборуна кайрылса болот. Бул тууралуу Саламаттыкты сактоо министрлиги билдирди.
Иштөө тартиби: дүйшөмбү-жума 8:00 – 14:00 чейин;
Ишемби күнү 8:00 – 11:00 чейин.
«Кан тапшыруу үчүн паспорт, айдоочулук күбөлүк же аскер билети болушу шарт. Кан тапшыраардын алдында майлуу, куурулган, сүт азыктарынан баш тартуу керек. Облустардагы бардык Кан борборлору да ушул эле тартипте иштейт»,-деп берилет маалыматта.
