Өзгөн РИИБнин жана Жалал-Абад облусу боюнча Баңгизат менен күрөшүү башкармалыгынын кызматкерлери кармалды. Бул тууралуу УКМКнын басма сөз кызматынан билдиришти.
Маалыматка ылайык, ИИМнин аталган эки аймактык бөлүмүнүн айрым ыкчам кызматкерлери карапайым жарандардан узак убакыт бою “опузалап талап кылуу” схемасын уюштурушкан, алар башка карапайым жарандарды, негизинен жаш кыздарды, коркутуп-үркүтүү жана шантаж жолу менен алардын кылмыштуу иш-аракеттерине тартышкан.
12-майда Ош облусунун Өзгөн районунун жана Куршаб айылдык милиция бөлүмүнүн имаратында ыкчам-иликтөө иш-чаралары жүргүзүлүп, натыйжасында кылмыштуу аракеттерди тастыктаган маалыматтар алынган.
Шектүү милиция кызматкерлери кармалып, Юстиция министрлигине караштуу ЖАКнын №25 тергөө абагына камакка алынды.
