Тез жардам дарыгерлерин чакыруу боюнча күлкүлүү окуяны «Врач На Скорой» баракчасы жарыялады.
Бишкектин Тез жардам кызматына 80 жаштагы кемпир чалып, жүрөгү катуу ооруп жатканын билдирген. Айтылган дарекке Тез жардам барганда, улгайган аял эшикти ачкан.
Көрсө, апанын жүрөгү оорубай эле антресолдогу банканы ала албай, Тез жардамга кайрылган.
«Силер Тез жардамсыңар, силер баарына жардам беришиңер керек деген чоң эне жанып турган көздөрү менен боорукер жылмайып турду. Кийинкиде Өзгөчө кырдаалдар министрлигин чакырууну сунуштадык. Алар дароо биринчи кабаттан тепкич менен көтөрүлүп, текчеден банканы оңой эле ала алышат. Банканы алып берип, кеттик», — деп Тез жардам кызматынын дарыгерлери башынан өткөн окуяны айтышкан.
