УКМК дипломдордун аныктыгын текшерүү иштеринин алкагында Жогорку Кеңештин эки депутатынын жогорку билими тууралуу документтери боюнча БШКга маалымат берди.
БШКдан билдиришкендей, алар — Фархат Исмаилов («Ата-Журт Кыргызстан» фракциясы) жана Фарходбек Алимжанов («Альянс» фракциясы).
«Кыргыз Республикасынын президентин жана Жогорку Кеңештин депутаттарын шайлоо жөнүндө» мыйзамына ылайык, шайлоо күнүнө карата 25 жашка толгон, шайлоого укугу бар, жогорку кесиптик билими бар Кыргыз жараны Жогорку Кеңештин депутаты болуп шайлана алат»,- деп айтылат маалыматта.