7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Апрель 2024
Пн Вт Ср Чт Пт Сб Вс
1234567
891011121314
15161718192021
22232425262728
2930  
  • social_icon
  • social_icon
  • social_icon
  • social_icon

«Жети күн»: Өлкө туура багытта өнүгүүдө, өндүрүш көтөрүлүп, коррупция менен күрөш уланып жатат

158

Өтүп бараткан аптадагы негизги окуялар:

– Кытай менен биргеликте Сокулукта электромобиль чыгаруучу ишкананын курулушу башталды. Садыр Жапаров 28-февралда барып, мезгил кутучасын салды.

– Бийликтин айтымында, быйыл Кыргызстанда 2 автозавод ишке кирет – май жана август айларында – кыргыз-өзбек жана кыргыз-кытай ишканалары.

– Акылбек Жапаров Шинжаңга барып, дубандын партия жетекчиси Ма Синжуй жана өзбек премьери Абдулла Арипов менен жолукту.

– Бишкекке Монголия парламентинин спикери Занданшатар келип, өлкө жетекчилери менен кездешти.

– Былтыр Кумтөрдөн түшкөн киреше $302 млн болуптур, план болсо $194 млн экен.

– Уран жана торий кендерин иштетүүгө тыюу салган мыйзамды жокко чыгаруу демилгеси көтөрүлдү.

– Илимдер академиясынын жана Жогорку аттестациялык комиссиянын жыйындары болуп өттү.

– Ош менен Бишкектен Ташкенге авиакаттамдар ачылды.

– Орусиянын «Мир» электрондук төлөө системасына АКШ санкция салды, аны мигранттар көп колдончу.

– Опера-балет театрынын баардык артисттери аттестациядан өттү.

– Жыргалаңда кар көчкү астында калып, Чехиядан келген 4 турист каза болду.

 

– АКШнын Эл аралык республикалык институтунун сурамжылоосуна караганда, кыргыз бийлигине ишеним өсүп баратат.

– Өмүрбек Бакировдун ордуна Жогорку кеңештин депутаты болуп Равшанбек Рысбаев келди.

– Таласта 2 жыл мурда өткөн шайлоонун жыйынтыгы жокко чыгарылды. Б.Чойбеков мандатын тапшырат.

– Искендер Матраимов менен Нурлан Ражабалиев шайланган Кара-Суу менен Баткен чөлкөмдөрүндө жаңы шайлоо болот.

– Мандатып тапшырсын деген дагы 2 депутат – Шайлообек Атазов менен Айбек Осмонов – өлкөдө азыр жок экен.

– Бишкек шаардык кеңешинин сессиясы 29-февралда үзгүлтүккө учурады – азыркы 45 депутаттын ордуна 235 адам отуруш керек экен.

– Муфтият – быйыл ажылыкка берып келүү 3750 доллар болоорун жарыялады.

– Кыргызстандык Денис Петрашов Филиппинде өткөн Азия чемпионатында 2 алтын медаль утту.

– 2026-жылдагы кышкы Олимпиадага катышууга аракеттенгендерге стипендия төлөнө баштады.

– «24.кг» агенттигинин журналисттери өз жумуш орундарына 15-январдан бери кирей албай жүрөт.

– 23-августта кармалган Олжобай Шакирдин ишинде сот алмашкандыктан, ишти кароо кайра башталды

 

– Жогорку соттун төрагасы Замирбек Базарбеков – соттор көз карандысыздыкка жете элек деп билдирди.

– Бишкекте Экинчи санариптештирүү форуму болуп өттү, бир топ жаңы демилге көтөрүлдү.

– Акылбек Жапаровдун айтымында, жаңы технологиялар бюджетти 3 эсеге, ИДӨнү 2 эсеге көбөйттү.

– Бишкекте Кыргыз-Түрк ишкерлер форуму өткөрүлдү.

– Бишкектин мэри эл аралык эксперттер менен жолугуп, шаарда асма жол куруу долбоорун талкуулады.

– Кыргызстанга Ага-Хандын уулу Рахим Ага-Хан келди.

– Акыркы 2 жылда Кыргызстанда орусиялык компаниялардын 450 өкүлчүлүгү ачылыптыр.

– Жогорку кеңеш – баатыр энелерге төлөнгөн жөлөк пулдун өлчөмүн көтөрүүнү чечти.

– Мурдагы «Октябрь» кинотеатрында Шаршен атындагы Чүй облустук театры биринчи оюнун көрсөттү.

– Кыргызстандык бийчилер Вырлеев менен Прошлецова Вена шаарында өткөн мелдеште утуп чыкты.

– Акылбек Жапаров – Жогорку кеңеште иштегендер улуттук кийим кийип жүрсө жакшы блоор эле деди.

159