Жогорку Кеңештин VIII чакырылышы жайкы тыныгуудан кийин 2-сентябрда ишин кайра баштайт. Бул тууралуу парламенттин басма сөз кызматы билдирди.
Маалыматка ылайык, 2-сентябрда Жогорку Кеңештин II сессиясынын ачылышы болот.
Ошондой эле 17-августта БШКнын төрагасы Тынчтык Шайназаров парламент төрагасы Марлен Маматалиевге кат жолдоп, президенттик шайлоону дайындоо маселесин 17-сентябрдагы Жогорку Кеңештин жыйынынын күн тартибине киргизүүнү сунуштаган.
Эске салсак, депутаттар I сессиянын ишин 25-июнда жыйынтыктап, жайкы тыныгууга чыгышкан.
