Президент Садыр Жапаров «Кыргыз Республикасынын Жогорку Кеңешинин регламенти жөнүндө» КР мыйзамына өзгөртүүлөрдү киргизүү тууралуу» мыйзамга кол койду.
Мыйзам Жогорку Кеңеш тарабынан 2025-жылдын 24-декабрында кабыл алынган.
Бул Мыйзам Жогорку Кеңештин ишмердүүлүгүн оптималдаштыруу максатында кабыл алынды.
Алсак, кабыл алынган мыйзамда төмөнкүлөр каралган:
— КР Жогорку Кеңешинин төрагасынын биринчи орун басары кызматын белгилөө;
— Жогорку Кеңештин комитетинин курамына бир фракциядан же депутаттык топтон 4төн ашык эмес депутаттын кириши;
— Манжа изи жана (же) бет түзүлүшүн (геометриясын) таануу функциясы бар электрондук добуш берүү тутумун колдонууну 2027-жылдын 1-январынан тартып киргизүү сунушталууда.
