Журналист Тойгонбаев Майрамбек Осмоноалиевич 33 жашында, бүгүн 17-апрелде оорудан улам көз жумду. Бул тууралуу журналистикадагы тааныштары жазып чыкты. 12-апрелде инсульт алып, Улуттук госпиталдын жандандыруу бөлүмүнө түшкөн.
Акыркы жылдары Майрамбек Тойгонбаев Жогорку Кеңештин маалымат кызматында эмгектенген. Ага чейин Коомдук телерадио корпорациясында кабарчы болуп иштеген, “Шок-факт”, “Протокол” көрсөтүүлөрүнүн алып баруучусу, редактору катары таанылган Тойгонбаев Мамлекеттик экологиялык жана техникалык коопсуздук боюнча инспекциянын маалымат катчысы болуп да эмгектенген.
Ал 1987-жылы 29-апрелде Нарын облусунун Ат-Башы районунун Большевик айылында туулган. Эки эркек, бир кыздын атасы.
Маркумдун сөөгү өзү туулуп өскөн айылга коюлат.