Бүгүн, 1-сентябрда Жогорку Кеӊештин каникулдан кийинки алгачкы жыйынында «Республика – Ата-Журт» саясий партиясынын депутаты Абдугапаров Авазбек Абибулаевич ант берип, өзүнүн депутаттык ыйгарым укуктарын аткарууга киришти. Бул тууралуу Жогорку Кеңештин басма сөз кызматы билдирди.
Маалыматка ылайык, ал «Кыргызалтын» компаниясынын башчылыгына байланыштуу депутаттык ыйгарым укуктары мөөнөтүнөн мурда токтотулган Умбеталы Кыдыралиевдин ордуна келген.
Белгилей кетсек, «Кыргыз Республикасынын Жогорку Кеңешинин статусу жөнүндө» мыйзамга ылайык, жаӊы депутат парламентте ант берген соӊ, өзүнүн депутаттык ыйгарым укуктарын расмий түрдө аткарууга киришет.
