Кыргызстанда 2021-жылдын I кварталында жашоо минимумунун көлөмү 5 840,40 сомду түзүп, өткөн жылдын тиешелүү мезгилине салыштырганда 13 пайызга өстү. Бул тууралуу Улуттук статистика комитети билдирет.
Жашоо минимумунун эң жогорку көлөмү Ош шаарында, Ош облусунда жана Бишкек шаарында белгиленген.
Өкмөтүн 2009-жылдын 6-ноябрындагы № 694 токтому менен бекитилген жашоо минимумунун түзүмүнө ылайык, андагы азык-түлүк товарларынын үлүшү 65 пайызды, азык-түлүк эмес товарлар — 16 пайызды, кызмат көрсөтүүлөр — 17 пайызды жана салыктар — 2 пайызды түзөт.
Азык-түлүк корзинасынын энергетикалык баалуулугу 2101 ккал түзөт, ал эми анын химиялык курамы 73 грамм белокторду жана 71 грамм майларды камтыйт.
