Жогорку Кеңештин бүгүнкү жыйынында депутат Жанар Акаев мугалимди ыйлаганга чейин жеткирген окуучунун энесине салынган айып аз экенин айтып, аны коомчулуктун алдында кечирим суратуу керектигин билдирди.
“Ал мугалим жумуштан кетти. Ыйлаткан, лакылдаган, ажаан аялга болгону 1000 сом айып салып коюптур. Эмне үчүн коомчулукка алып чыкпадыңар? Мугалимге жаман мамиле кылган ушул аял деп жүзүн көрсөтүш керек эле. Бул Кыргызстандагы 120 миң мугалимге болгон шылдың мамиле. Эмне үчүн мугалимди шылдыңдап, мазактаган адамды болгону миң сом айып менен чыгарып жибердиңер? Аны жазага тартыш керек эле”, — деди ал.
Посмотреть эту публикацию в Instagram
