Бишкекте алдамчылыкка шектелип, издөөдө жүргөн 29 жаштагы кыз кармалды. Бул тууралуу Ленин РИИБдин басма сөз кызматы билдирди.
Маалыматка ылайык, милицияга жаран арыз менен кайрылып, эки чала тааныш аял кишилерге чара көрүнүүнү суранган. Анда «Ош базарындагы» «Берекет Гранд» соода борборунда сатып беребиз деп алтындарын алып кетип, кайтарбай койгон жарандарга чара көрүүнү суранган.
Шектүүлөр алтындарды ломбардга коюп, изин жашырып кетишкен. Келтирилген чыгым, 18 миң 525 долларды түзгөн.
Аталган факты боюнча кылмыш иши козголуп, ушул жылдын 23-майында жаранга издөө жарыяланган.
30-августта 1993-жылы туулган шектүү кармалган. Камакка алынган шектүү соттун чечими менен үй камагына чыгарылган.
Учурда дагы башка кылмыштарга тиешеси бар жогу иликтенүүдө.
