Бул ирет төкмө акын Жеңишбек Жумакадырдын ырларын сунуштайбыз.
Жеңишбек Жумакадыр 1977-жылы 9-майда Нарын облусунун Нарын районундагы Эмгекчил айылында туулган. Эмгек жолун 1992-жылы (15 жашында) Нарын облустук Муратбек Рыскулов атындагы музыкалык академиялык драма театрында алып баруучу, сатирик болуп баштаган. 1997-жылы Моквадагы Щепкин атындагы жогорку окуу жайга тапшырып, аны 2001-жылы ийгиликтүү бүтүргөн.
Баратабыз баарыбыз баратабыз,
Барган кезде болчудай аласабыз.
Күндө эсеп кылсак ээ өзүбүзгө,
Күнөөлөрдөн азайып таразабыз.
************************************
Биринде көңүл таштай,
Биринде көңүл жаздай.
Кечигип сүйүнүчтөр,
Кетүүдө өмүр актай.
Кербендер өткөн жерден.
Керемет көктөм жерден.
Келатам көңүл таппай.
************************************
Көрүнө элек бакыттар көркөм экен,
Көрсөм деген бакытты көрсөм экен.
Көргө барып топого көмүлгөнчө,
Көңүлдөргө көмүлүп өлсөм экен.
************************************
