8 жашар кызын жазалоо иретинде жылаңачтантып бир түн эшикке түнөткөн эненин кылыгы казак элинин кыжырын кайнатты.
Социалдык тармактарда кышында эшикте жылаңач отурган өспүрүмдүн отурган сүрөтү тарады. Анда кыз ич кийимчен бүрүшүп отурганын көрүүгө болот.
Казак басма сөз каражаттары жазып чыккандай, окуя Казакстанда орун алып, жергиликтүү тургун 8 жаштагы кызын жаза иретинде суукка чыгарып, уулун сабап салгандыгы тууралуу маалымат тарады. Анда 18-19-декабрь күндөрү сүрөттөгү кыз коридордо түнөгөнү айтылат.
Бул иш боюнча милиция кызматкерлери жана камкордукка алуу органдары изилдеп жатышат. Мындан тышкары балдардын мыйзамдуу өкүлдөрүнө карата объективдүү чечим кабыл алынары маалымдалды.