Сербиянын Белград шаарында өткөн эстетикалык топтук гимнастика боюнча жогорку категориядагы турнирде Кыргызстандын гимнасттары байгелүү орундарга ээ болушту. Турнирге 16 өлкөдөн келген 600 гимнаст катышкан.
Алар эстетикалык топтук гимнастика боюнча күмүш медалды жеңип алышты. Айым Токушова топ менен аткарган көнүгүүсүндө алтын медалга ээ болсо, сегиз жаштагы Арууке Абдырасакова буюмсуз көнүгүүдө коло медалды жеңип алды. Ал эми Таисия Пономарева жана Алия Сыдыкбаева «Мисс Шарм» жана «Мисс жылмаюу» наамдарына татыктуу болушту.
Гимнасттар Академия Гимнастика жана «Ынтымак» спорт мектебинин жана клубдарынын атынан чыгып, Кыргызстандын желегин желбиретишти.
