Ош шаарында Барпы Алыкулов атындагы жаңы мектептин курулушу аяктап, жакын арада пайдаланууга берилет.
Курулуш министрлигинин маалыматына ылайык, төрт кабаттуу мектептин жалпы аянты 13 610 чарчы метрди түзөт. Имарат беш блоктон туруп, эки нөөмөттө 2,5 миңге жакын окуучуну кабыл алууга ылайыкталган.
Окуу жай заманбап класстар, лабораториялар, китепкана, ашкана, жыйындар залы жана спорт залы менен жабдылган. Ошондой эле окуучулар үчүн ыңгайлуу шарттар түзүлүп, эргономикалык парталар орнотулган.



