Массалык маалымат каражаттарында жана социалдык тармактарда күйүүчү-майлоочу материалдарды Тажикстан Республикасынын аймагына контрабандалык жол менен ташуу боюнча жайылтылып жаткан маалымат чындыка дал келбейт. Бул тууралуу УКМКнын басма сөз кызматы билдирди.

Маалыматка ылайык, видеодо көрсөтүлгөн күйүүчү майларды ташуучу унаалар, күйүп кеткен май куюуучу жайлардын күйүүчү майларды сактоочу жерлериндеги күйүүчү майларды чыгарып жатышат.

«Учурда контрабандалык жүктөрдү алдын алуу боюнча МСК, МАИ, РИББ жана УКМК Мобилдик топторунун башкармалыгынын инспекторлорунун курамында Лейлек районунда (Исфана шаары, Кайрагач жана Сай аймактры) 3 жерге мобилдик посттор орнотулду. Лейлек районунун аймагына кирип жаткан күйүүчү-майлоочу майлар Тажикстан Республикасына экспорттоонун алдын алуу иштери тийиштүү тартипте көзөмөлдөлүнөт. Ар бир күйүүчү май ташуучу унаа көздөгөн жерге чейин, Мамлекеттик салык кызматынын инспекторунун катышуусунда узатылып жүргүзүлөт. Күйүп кеткен күйүүчү-майлоочу материалдарды май куюучу жайлардан кайтарып алуу иштери, Мамлекеттик Салык Кызматынын инспекторлорунун катышуусу менен жүргүзүлөт», — деп берилет маалыматта.