Бишкекте 9-кабаттан секирүүгө аракет кылган жигитти куткаруучулар сактап калышты. Бул тууралуу ӨКМнын басма сөз кызматы билдирди.
Маалыматка ылайык, кечээ, 14-ноябрда, саат 16:44 чамасында «112» кызматына Гагарин жана Юдахин көчөлөрүнүн кесилишинде салынып жаткан көп кабаттуу үйдүн 9-кабатынан эркек адам секирүүгө аракет кылгандыгы тууралуу билдирүү түшкөн.
Ыкчам түрдө Бишкек шаардык куткаруу кызматынын 5 куткаруучусу чыгып, аталган жаран менен сүйлөшүүлөрдү жүргүзүшкөн. Ал жаранды 9-кабаттан аман-эсен түшүрүп, тез жардам кызматкерлерине өткөрүп беришкен.
