Кечээ, 20-июнда саат болжол менен 14:40та Алай районунун Будалык айыл өкмөтүнө караштуу Октябрь айылында нөшөрлөп жамгырдын кесепетинен кокту-колоттордон сел жүрүп, Октябрь айылындагы ички чарбалык жолдорду жеп, каттамды кыйындаткан. Ошондой эле чогулган Октябрь суусуна кошулуп бул айылдагы Дербиш тилкесине өтүүчү ички чарбалык жолдун болжол менен 80 метрин жууп кеткен. Бул тууралуу ӨКМдин басма сөз кызматынан кабарлашты.
Гүлчө – Октябрь жолунун 15-чакырымындагы 959-жол тейлөө мекемесинин карамагындагы көпүрөнүн капталын суу жайпап кеткен. Учурда көпүрөнүн бир тарабынан гана өтүүгө мүмкүнчүлүк бар, бир тарабында жер көчүп кетүү коркунучу жаралууда.
Ошондой эле Гүлчө – Октябрь жолунун 9-чакырымынын Көк-Кыя тилкесинде жер чөгүү болуп, каттам токтоп, электр мамычалары кулап кетүү коркунучу жаралууда.Учурда Алай райондук Жарандык коргонуу кызматтары тиешелүү жумуштарды аткарууда. Жеринде оңдоо иштерин жасоого ӨКМден 3 кызматкер, 959-ЖТМден 1техника 5кызматкер тартылды.