Эл аралык террористтик уюмдарды каржылоо жана жасалма документтерди берүү менен алектенген террористтик ячейкалардын ишмердүүлүгү аныкталып, бөгөт коюлду. Бул тууралуу УКМКнын басма сөз кызматы билдирди.

Маалыматка ылайык, тыюу салынган эл аралык “Ислам мамлекети” террордук уюмунун жана “Жихад тобунун” (“Ислам жихады биримдиги”) мүчөлөрүнө акча каражаттарын которуу фактылары жана ошондой эле 2016-жылдын август айында Кытайдын Кыргызстандагы элчилигинин аймагында болгон террордук актынын уюштуруучулары аныкталган.

Мындан тышкары, террористтик уюмдардын согушкерлерине жасалма паспортторду даярдоо үчүн Кыргызстандын жарандарынын жалпы паспортторун (уурдалган/жоголгон же күрөө менен калтырылган) Түркиянын аймагына өткөрүп берүүнү ырастоочу экендигине маалымат алынган.

Жүргүзүлгөн иш-чаранын натыйжасында үстүбүздөгү жылдын 10-ноябрында террористик топтун активдүү кызматкери, КР жараны Б.Э.А. кармалып, убактылуу кармоочу жайга киргизилди.

Учурда террористтик ишмердүүлүккө тиешеси бар башка адамдарды аныктоо жана кармоо боюнча тергөө иштери жүрүп жатат.