Жалал-Абадда жол кырсыгынан эки адам каза болду. Өзгөчө кырдаалдар министрлигинин маалыматы боюнча, Бишкек – Ош унаа жолунун 323 чакырымында катталган жол кырсыгында, VOLVO үлгүсүндөгү оор жүк ташуучу унаа менен LEXUS-470 үлгүсүндөгү унаа кагылышкан.
Жол кырсыгынын кесепетинен жеңил унаанын айдоочусу жана жүргүнчүсү көз жумган.
Жерине 7 куткаруучу тартылып, унаада кыпчылган жарандарды чыгарып, тез жардам кызматына өткөрүп берилген. Учурда тактоо иштери уланууда.