Аксыда сел агызып кеткен 2,5 жаштагы Фатиманын сөөгү табылды. Бул тууралуу ӨКМдин басма сөз кызматы билдирди.
Маалыматка ылайык, бүгүн, 14-июлда саат 10:30 чамасында Ак-Жол айыл аймагынын Жолборсту айылында 2018-жылы туулган Ф.Т.нын жансыз денеси жергиликтүү тургундар тарабынан табылган. Учурда 2016-жылы туулган К.А. аттуу баланы издөө иштери уланууда. Издөө иштерине ӨКМден 15 куткаруучу, Аксы райондук РИИБден 7 кызматкер, жергиликтүү тургундардан 30 адам тартылган.
12-июлда Аксы районунун Ак-Жол жана Жаңы-Жол айыл аймактарында нөшөрлөп жааган жаан жана кокту-колоттон түшкөн суу сел болуп, Жолборсту айылындагы көпүрөнү, ички жолду алып, 8 адамдын өмүрүн кыйды.
6 жарандын сөөгү табылып, туугандарына өткөрүлүп берилген. Кечээ, 14-июлда 6 кишиден айрылган Нурбек Шайымбеков апасын, карындашын, кызын жана эки жээнин жерге берди. Ал эми 2,5 жаштагы кызынын сөөгү бүгүн табылды.