Министрлер кабинетинин төрагасы Акылбек Жапаров Москва шаарында иш сапары менен жүрөт. Бул тууралуу өкмөттүн маалымат кызматы билдирди. Кабарлангандай, сапардын алкагында Жапаров Орусиянын Сбербанкынын иши менен таанышат.
«Мындан сырткары Сколководогу Киберкоопсуздук борборуна жана Дата-борборго барат. Ошондой эле эки тараптуу жолугушууларды өткөрөт»-деп айтылат маалыматта.
Кыргыз делегациясынын жумушчу сапары «Россия Сбербанк» ААК башкармалыгынын төрагасы Герман Грефтин чакыруусу менен уюштурулган.