Бүгүн, 25-майда Кыргызстандагы мектептерде «Акыркы коңгуроо» салтанаты өтүүдө. Буга байланыштуу, ЖКККББнын басма сөз кызматы бүтүрүүчүлөрдүн жолдогу коопсуздугун камсыздоо жана жол кырсыктарына кабылууларын алдын алуу максатында бүтүрүүчүлөргө эскертүүдө.
«Урматтуу бүтүрүүчүлөр! 25-май күнү «Акыркы коӊгуроодон» кийин майрамдык кечелерди өткөрүүгө тыюу салынган. Айрыкча айдоочулук укугу берилбеген окуучулардын автоунаа айдоосуна, ошондой эле, жаратылыш койнунда же болбосо башка эс алуучу жайларда өз алдынча белгилөөгө тыюу салынганын эскертебиз»,- деп берилет билдирүүдө.
Бүгүн Жол кыймылынын коопсуздугун камсыздоо кызматкерлери кошумча күзөттөрдү кою менен күчөтүлон тартипте кызмат алып барат. Эгерде мындай учурлар аныкталса, уюштуруучуларга жана катышуучуларга карата тийиштүү чаралар колдонулат.
