«Ала-Арча» тарыхый-мемориалдык көрүстөнүндө Кыргыз Республикасынын Эмгек сиңирген артисти, кайталангыс образдарды жараткан белгилүү актёр Азиз Мурадиллаевдин эстелиги тургузулду. Бул тууралуу Т.Абдумомунов атындагы Кыргыз улуттук академиялык драма театрынан билдирди.
Эстеликтин ачылышы эртен, 13-апрелде өтөт. Иш-чарага маданият кызматкерлери жана маркумдун жакындары катышат.
Азиз Мурадиллаев 2022-жылдын 17-декабрында узакка созулган оорудан улам 44 жаш курагында дүйнө салган. Ал Ж. Садыковдун “Манастын уулу Семетей” спектаклиндеги Семетейдин образын жаратып, дээрлик 10 жылдан ашуун театр күйөрмандарынын купулуна толуп, сүйүктүү актёруна айланган. Кийин Семетейдин образын жаш муунга өткөрүп берип, өзү Ысмайылдын образын чеберчилик менен алып чыккан. Кайталангыс таланттын ээси кыргыз драматургиясынын эле эмес, дүйнөлүк классикалык чыгармаларда да мыкты образдарды жаратып келген.
