«Кумтөр голд компани» жабык акционердик коомунун президенти Алмазбек Барыктабасов Кумтөр кен жайынын жетекчилиги жана жалпы кызматкерлери менен жыйын өткөрдү.
Анда компаниянын 2023-жылдагы өндүрүштүк жыйынтыктары, алдыга коюлган пландары тууралуу сөз болду.
Барыктабасов «Кумтөр голд компани» үчүн өткөн жыл ийгиликтүү болгонун айтып, Кумтөрдөгү иш ыргагын бир калыпта кармап, күнү-түнү тынбай иштеп жаткан кызматкерлерге ыраазычылыгын билдирди.
Ошондой эле, компания жетекчиси Кумтөр кен жайындагы жер астынан алтын казуу долбоору тууралуу да кенен маалымат берип, бул ыкма алтын өндүрүүнүн көлөмүн көбөйтүүгө жардам берээрин кошумчалады.
Жолугушуу жүрүшүндө Кумтөр кен жайынын кызматкерлери «Кумтөр голд компанинин» жетекчисине кызыккан суроолорун берип, аларга ар тараптуу жооп да ала алды.
