Бүгүн, Кыргыз футбол биримдигинин президенти Камчыбек Ташиев Орок айылында курулуп жаткан стадиондун аймагына келип, курулуштун жүрүшүн текшерип, инфратүзүмдүк объект тууралуу журналисттерди кызыктырган суроолоруна жооп берди.
КФБ жетекчиси 45 миң кишилик стадиондун курулушу эки жылда бүтө тургандыгын билдирди. Ал эми, бул жылы КФБнын жана Кыргыз Республикасынын футболду өнүктүрүү фонду, мэриялар, аймактык башкаруу органдарынын көмөгү менен он эки стадион реконструкциядан өтүп, эки жаңысы курулат.
