Кыргыз улуттук театр тарыхында биринчи жолу кыргыз актрисасы Анара Сыдыгалиева «Түрк дүйнөсүнүн эң мыкты актрисасы» наамына ээ болду. Бул тууралуу Султан Раев билдирди.
«Сыйлык тапшыруу салтанаты Стамбул шаарында бийик деңгээлде өттү! Таланттуу актрисабыз Анара Сыдыгалиеванын жеңиши — кыргыз улуттук театр өнөрүнүн жеңиши. Сыйлыкты уюштуруучулар ТҮРКСОЙ эл аралык уюму, Түркиядагы эң кадыр-барктуу театр ишмерлер басылмасы»- деп берилет маалыматта.