Арча-Бешикте турак үй өрттөнүп, бир адам каза болду. Бул тууралуу ӨКМнын басма сөз кызматы билдирди.
Маалыматка ылайык, Бишкектин Арча-Бешик конушунда Күйүков көчөсүндө жыгач устундуу шифер жабылган турак үйдүн 90 чарчы метр чатыры күйүп, 30 жаштагы А.У. аттуу үй ээси көмүр кычкыл газына ууланып, тез жардам кызматы аны ооруканага алып кеткен. Ал жаран ооруканага жетпей, каза болгон.
Турак үйдөн чыккан өрт саат 05:28де чектөөгө алынып, учурда өрттүн келип чыгуу себеби такталууда.