Баткен шаарынын Кызыл-Жол кварталында “Акжолтой Баткен” балдар бакчасы ачылып, пайдаланууга берилди. 140 орунга ылайыкташкан балдар бакчасы республикалык бюджеттин эсебинен 52млн сомго курулган.
Бул тууралуу облустук маалымат кызматы билдирди.
Ишчарага КРнын Президентинин Баткен облусунун чек ара аймактарын калыбына келтирүү жана өнүктүрүү боюнча атайын өкүлү Мамыржан Рахимов баштаган жергиликтүү бийлик өкүлдөрү, жергиликтүү тургундар менен балдар бакчасынын тарбиялануучулар катышкан.
Белгилей кетсек Баткен шаарында 5 мамлекеттик, 6 жеке менчик балдар бакчасы бар. Анда 1584 бала тарбияланууда.
Шаарда дагы 50 орундуу бала бакчанын курулушу аяктап, пайдаланууга берилүү алдында турат.
Баткен шаарында балдар бакчасына баруучу курактагы балдардын саны 4300дү түзөт.