Бүгүн, 7-июнда Бишкек шаарынын мэриясынын муниципалдык ишканаларынын биринин башкы эсепчиси «Н.П.» УКМК кызматкерине 50 миң сом пара берип жаткан жеринен кармалганы аныкталды. Бул тууралуу УКМКнын басма сөз кызматы кабарлайт.
Маалыматка ылайык УКМК арызды кароо учурунда муниципалдык ишкананын лифт боюнча бир катар каржылык мыйзам бузууларын аныктаган. Ишкананын башкы эсепчиси каржылык мыйзам бузуулар фактысы боюнча арызды кароону токтотуу үчүн, 4-июнунда Коопсуздук органдын кызматкерине 50 миң сом өлчөмүндө пара берип жаткан жеринен кармалган.
Бул факт туралуу УКМК тарабынан КР Кылмыш-жаза кодексинин 328-беренесинин 2-бөлүмү боюнча кылмыш иши козголду. Учурда козголгон кылмыш иши боюнча ыкчам-тергөө иш-чаралардын комплекси жүрүп жатат.
