Бишкек шаарында бүгүнкү күнгө карата 54 калктуу конуш газдаштырылып, 54 миңден ашуун абонент жаратылыш газына кошулду. Бул тууралуу Жаратылыш ресурстары, экология жана техникалык көзөмөл министрлигинин коллегиясында маалымдалды.
Расмий маалыматка ылайык, газ тармагына кошулган абоненттердин ичинен 33 миңден ашуун үйдүн жылытуу системасы жаратылыш газына өткөрүлгөн.
Министрликтин маалыматына караганда, бул чара жаратылыш газын колдонгон үйлөрдүн санын көбөйтүп, Бишкектеги абанын булганышын азайтууга багытталган. Мындан тышкары, калктуу конуштарды газдаштыруунун эсебинен көмүрдүн орточо жылдык керектөөсү болжол менен 100 миң тоннага чейин кыскарары күтүлүүдө.
