Бишкекте Эл аралык медициналык университеттин окутуучусу пара алып жеринен кармалды. Бул тууралуу ИИМдин басма сөз кызматынан билдирди.
Окуя боюнча Кылмыш-жаза кодексинин 208-беренеси боюнча кылмыш иши козголду.
Тергөөнүн маалыматы боюнча, милицияга 2023-жылдын ноябрь айынан бери акча талап кылып, окуусуна кысым көрсөтүп жаткан мугалимге чара көрүү тууралуу арыз түшкөн.
Опузалап талап кылган окутуучу 81 000 сом өлчөмдө пара алып жаткан жеринен кармалган.
Пара алган эл аралык медициналык университеттин мугалими 1989-жылы туулган И.А. аттуу жаран Кыргыз Республикасынын ЖПКнын 96-беренесинин негизинде шектүү катары кармалып, убактылуу кармоочу жайга киргизилди.
Кылмыш иши боюнча тергөө иштери уланууда.
