Бишкектеги базарда 3 кафе, 8 жашылча сатуучу дүкөн өрттөндү. Бул тууралуу ӨКМнын басма сөз кызматы билдирди.
Маалыматка ылайык, Биринчи Май району, Клубный көчөсү, Сары-Өзөн базарында саат 23:50 чамасында өрт чыккандыгы туралуу маалымат түшкөн.
Өрттү өчүрүүгө жалпы 3 өчүрүүчү бөлүм тартылып, саат 01:02 өрт чектөөгө алынып, саат 03:46 толук өчүрүлдү. Өрттүн кесепетинен базардын аймагында жайгашкан жалпы аянты 1200 ч.м. болгон үч кафе, 8 даана мөмө жемиш сатуучу кампа жана сулуулук салону күйгөн.
Жабыркагандар болгон жок. Учурда өрттүн келип чыгуу себеби такталууда.
Посмотреть эту публикацию в Instagram
