Транспорт жана коммуникациялар министри Талант Солтобаев Бишкектеги Түндүк айланма жолунда жүрүп жаткан реконструкция иштеринин жүрүшү менен жеринен таанышты. Бул тууралуу ал социалдык тармактагы баракчасына жазды.
Министрдин айтымында, курулуш иштеринин сапатына жана белгиленген мөөнөттөрдүн сакталышына өзгөчө көңүл бурулду.
«Жооптуу тараптарга бардык иштерди графикке ылайык, сапаттуу жана өз убагында бүткөрүү боюнча тиешелүү тапшырмалар берилди. Долбоордун ар бир этабы белгиленген талаптарга ылайык аткарылышы катуу көзөмөлдө болот», — деп жазды Солтобаев.
