Былтыры, 4-октябрда өтүп, жыйынтыгы жокко чыгарылган парламенттик шайлоого катышкан партияларга 5 млн сомдук шайлоо күрөөсү кайтарылып берилет. Бул тууралуу Борбордук шайлоо комиссиясынан билдиришти.
БШК мындай чечимди «Президентти жана парламент депутаттарын шайлоо» жөнүндөгү конституциялык мыйзамга киргизилген өзгөрүүлөрдүн алкагында кабыл алган.
2020-жылдын 4-октябрындагы Жогорку Кеңешти шайлоого 16 партия катышкан:
- «Биримдик»,
- «Мекенчил»,
- «Ыйман Нуру»,
- «Мекеним Кыргызстан»,
- «Реформа»,
- «Ата Мекен»,
- «Замандаш»,
- «Бүтүн Кыргызстан»,
- «Социал-Демократтар»,
- «Мекен Ынтымагы»,
- «Ордо», «Бир Бол»,
- «Республика»,
- «Кыргызстан» ,
- «Чоң Казат»,
- «Ооган жана башка согуштардын ардагерлери» саясий партиялары.
Шайлоо күрөөсүн кайтарып берүүгө байланыштуу мыйзам долбоорун 2020-жылдын октябрындагы окуялардан кийин ЖК депутаты Улукбек Ормонов иштеп чыккан.