Президент Садыр Жапаров жер маселеси боюнча коомчулукта айтылып жаткан талкууларга байланыштуу түшүндүрмө берди.
Мамлекет башчынын маалыматында, 2020-жылга чейин Кыргызстандын жалпы аймагы 19 миллион 994 миң гектарды түзгөн. Чек араларды тактоо иштеринен кийин өлкөнүн аймагы 15 миң 572 гектарга кеңейип, учурда 20 миллион 9 миң 572 гектарды түзөт. Анын 94,4 пайызы тоолуу аймактар.
«Кыргызстанда жалпы 6 миллион 732 миң гектар айыл чарба багытындагы жер бар. Анын 1 миллион 82 миң гектары жарандардын жеке менчигинде пайдаланылат.
Республикадагы 18 миллион 698 миң гектар жер мамлекеттик жана муниципалдык менчикте турат. Анын 18 миллион 639 миң гектары мамлекеттик, 59 миң гектары муниципалдык жерлер болуп саналат»,- деди Садыр Жапаров.
