Кыргызстанда чет элдик номерлүү унааларды мыйзамдаштыруу мөөнөтү 2026-жылдын 1-сентябрына чейин узартылды.
Бул тууралуу Жол кыймылынын коопсуздугун камсыздоо башкы башкармалыгы билдирди.
Маалыматка ылайык, учурда айып короолорунда турган автоунаалардын ээлери транспорт каражаттарын чыгарып, каттоодон өткөрө алышат.
Ошондой эле унааларды мыйзамдаштыруудан мурда бардык топтолгон айып пулдар жана милдеттүү төлөмдөр толук төлөнүшү керектиги эскертиldi.
Мекеме билдиргендей, айып короосунда турган унаалар үчүн атайын жеңилдик каралган. Ага ылайык, бир суткалык төлөм 50 сомду түзүп, жалпы эсептелген сумманын 50 пайызына чейин арзандатуу берилет.
ЖКККББ айдоочуларды берилген мүмкүнчүлүктөн пайдаланып, унааларын өз убагында мыйзамдаштырууга чакырды.
