17-майда Бишкекте Чүй проспектиси менен 7-апрель көчөлөрүнүн кесилишине 100дөн ашык адам чогулуп, андан соң Курманжан Датка Чүй кесилишинде миңге чукул адам топтолгон.
Буга чейин борбордогу мейманкананын алдында чет элдиктердин катышуусунда мушташ болгон. Түнү жатаканага 100дөн ашык адам келген. Алар өч алуу үчүн топтолушу мүмкүн.
Жеринде аларды милиция күтүп турган. Укук коргоо кызматкерлери кээ бир агрессивдүү эркектерди кармап, топтолгондорду жатаканадан сүрүп чыгарууга жетишкен.
Ал арада милиция бир нече күн мурун мушташка катышкан үч чет элдик кармалганын айткан.
Милиция кызматкерлери күчөтүлгөн тартипте кызмат өтөп, кайгуулдар уюштурулуп, түшүндүрүү иштери жүргүзүлүлдү.
Мушташка катышкан чет элдик үч жаран кыргыз элинен кечирим сурап, жоопкерчиликтен качпай турганын айтышты.
Аларга карата “Бейбаштык” беренеси менен иш козголуп, Бишкек ШИИББдин убактылуу кармоочу жайына киргизилди.
