Чоң-Чүй каналына эки адам чөгүп кетип, бирөөнүн жансыз денеси кечээ, 6-июньда суудан табылган. Экинчи жаранды издөө иштери бүгүн, 7-июнда дагы уланууда. Бул тууралуу Өзгөчө кырдаалдар министрлигинин басма сөз кызматы билдирет.
Маалымат боюнча, 6-июнь күнү Аламүдүн районундагы Лебединовка айылынын Гаражный көчөсүндө Чоң Чүй каналына 2 адам чөгүп кеткен. Куткаруучулар жеткенге чейин жергиликтүү тургундар суудан 1971-жылы туулган Ш.М. аттуу жарандын сөөгүн суудан алып чыгып, милиция кызматкерлерине өткөрүп беришкен.
Экинчи адамды (аты жөнү такталууда) издөө иштери жүрүп, караңгы киргендигине байланыштуу токтотулуп, бүгүн, 7-июнда издөө иштерин улантуу үчүн 4 куткаруучу тартылган.